ESTO EBU
Ba’na cengkal, kacong
Esoro ka bara’ entar ka temor
Bila soko ban cethak padha ngalecer
Tabu’ ban mowa balasadan kabbi
Emma’ se kemma se mangga
Oreng towa se kemma se kellar
Nagenne ate ban essena
Dhu kacong ate sengko’
Dhara sengko’, ora’ sengko’
Ja’ senga bisa eyontal, bango’ maso’a pole ba’na kacong ka dhalem tabu’
Bukkak e to’odda
Manda’na eyalleya ka to’ot dibi’
Lokana se anganga, ja’ bisa’a ebangngemma
Tono ana’na
Rop-sorop are mole ka bengkona
Eyosong kanca ban tatanggana
Ebuna robbu
Eppa’na laggi’ entar nabbu
Totosan, 18 Desember 2022
MANDHI E SONGAY
Jabblong
Ya’ eya’, jabblong
Pak katapak katapak Gadibung!
Katapak
Katapak
Gadibung!
Ya’ eya’, jabblong
Ya’ eya’, jabblong
2018-2022
ODE KA LANDAUR
Gunong temmong e dhadhana
Guwa candhak ka bujella
E, elala elala e
Elala elala e
Sadindak gan sadindak, tandu’
Sabai’ gan sabai’, selte’
E, elala elala e
Landaur
Ajja’ duli gujur
Ajja’ duli nanjur
Salaggi’ soko gi’ ta’ ngonjur (*)
